عنكبوت الحبّ لو عشِّش في عشِّك..
اقطعيهْ
أو سحاب العشق لو بان يوم في وشِّك..
امسحيهْ
قبل ما يمطّر هوى.. وتدوبي فيهْ
اخلصي من حِلم روحكْ
واكوي بالنسيان جروحِكْ
واوعِي لو مرَّة يقولوا لِك
تبْني بيتك طُوبة حبّ وْطوبة عشق وْتبقى جنَّة
فين تلاقي لبيتك المزعوم دا بنَّا؟!
حتى لو مفتاحه ساكن حُضن إيدِك..
إيه يفيدِك
والأمل راح واندفن جوَّا فْ وريدِك؟!
مين هيخسر غيرِك انتِ؟
لا يا بنتي...
* * *
ابعدي عن كلمة الحبّ السخيفة
واحذفي كلمة "باحبَّك" من قاموسك..
حتى لو كانت شريفة
خرَّجي من قلب عقلك
"قيس وليلى" و"قيس ولبنى"...
ياما قبلِك شُفنا حبّ وْشُفنا عشق وْليل وسُهد وْياما دُبنا
وْياما قبلِك كنَّا بنرصّ المصاحف
لاجل نحلف مِيت يَمين
إننا هنصون هوانا اللي فْ قلوبنا
وإيه اللي نابنا؟
تُهنا في المشوار
وخَدنا اللي ما كان عمره فْ حسابْنا
لو هتقرِي...
اقري قصِّة كلّ مِن حَبّ وْماطالْشِي
وياما غيرهم
صابُه جرح الحُبّ والفُرقة وْماقالشِي
وْصدَّقيني.. لو تكابري..
بُكرَة راح يكبر سؤالك:
"ليه لعهد الحُبّ صنتِ؟!"
لا يا بنتي...
* * *
المجال دا مش مجالِك
والتمَن فوق احتمالِك
واوْعِي تفتكري العذاب اللي فْ ضلوعِك
ليكِ وحدك بَسّ جالك
ياما جالي وياما جالْهُمْ
حالنا كان يوم زيّ حالِك
كلّنا رْكِبنا السفينة
فْ بحر موجه كبير بيعْلا
يعني لازم تركبي وتجرَّبي؟
ما الشطّ أحلى
اشربي من نبع عقلِكْ
كاس عذاب القلب مُرَّة
مش هاطوِّل واسمعيها
كلمة واحدة وانتِ حُرَّة
جيتِ تشكي وْتسمعي فْ أمرِك نصيحتي
لا يا بنتي...
اقطعيهْ
أو سحاب العشق لو بان يوم في وشِّك..
امسحيهْ
قبل ما يمطّر هوى.. وتدوبي فيهْ
اخلصي من حِلم روحكْ
واكوي بالنسيان جروحِكْ
واوعِي لو مرَّة يقولوا لِك
تبْني بيتك طُوبة حبّ وْطوبة عشق وْتبقى جنَّة
فين تلاقي لبيتك المزعوم دا بنَّا؟!
حتى لو مفتاحه ساكن حُضن إيدِك..
إيه يفيدِك
والأمل راح واندفن جوَّا فْ وريدِك؟!
مين هيخسر غيرِك انتِ؟
لا يا بنتي...
* * *
ابعدي عن كلمة الحبّ السخيفة
واحذفي كلمة "باحبَّك" من قاموسك..
حتى لو كانت شريفة
خرَّجي من قلب عقلك
"قيس وليلى" و"قيس ولبنى"...
ياما قبلِك شُفنا حبّ وْشُفنا عشق وْليل وسُهد وْياما دُبنا
وْياما قبلِك كنَّا بنرصّ المصاحف
لاجل نحلف مِيت يَمين
إننا هنصون هوانا اللي فْ قلوبنا
وإيه اللي نابنا؟
تُهنا في المشوار
وخَدنا اللي ما كان عمره فْ حسابْنا
لو هتقرِي...
اقري قصِّة كلّ مِن حَبّ وْماطالْشِي
وياما غيرهم
صابُه جرح الحُبّ والفُرقة وْماقالشِي
وْصدَّقيني.. لو تكابري..
بُكرَة راح يكبر سؤالك:
"ليه لعهد الحُبّ صنتِ؟!"
لا يا بنتي...
* * *
المجال دا مش مجالِك
والتمَن فوق احتمالِك
واوْعِي تفتكري العذاب اللي فْ ضلوعِك
ليكِ وحدك بَسّ جالك
ياما جالي وياما جالْهُمْ
حالنا كان يوم زيّ حالِك
كلّنا رْكِبنا السفينة
فْ بحر موجه كبير بيعْلا
يعني لازم تركبي وتجرَّبي؟
ما الشطّ أحلى
اشربي من نبع عقلِكْ
كاس عذاب القلب مُرَّة
مش هاطوِّل واسمعيها
كلمة واحدة وانتِ حُرَّة
جيتِ تشكي وْتسمعي فْ أمرِك نصيحتي
لا يا بنتي...
عدل سابقا من قبل نجمه مضيئه في الإثنين 25 فبراير 2008, 12:04 am عدل 1 مرات
