الموضوع يمكن مش جديد على بعض الناس ، وجديد على ناس تانيه
بس اللى أنا متأكدة منه الموضوع في حد ذاته مش جديد خالص .. ده موضوع حكايه قديمه بدأت من زمان أوي ، يمكن من ساعة بداية الإنسان على الأرض
هو ايه الموضوع بالظبط .. ايه الحكايه القديمه ديه ؟
و أوعى تكون هتحكيها من بداية الانسان
الحكايه هي حكاية الخير........الخير اللي جوى كل انسان......
الحكايه هي حكاية حب الخير وعمله اللي بدأ مع بداية الانسان
طيب هو اصلا في خير في الدنيا دلوقتي .. الخير ده كان زمان ؟
طبعا في خير ....الخير موجود في كل مكان للي عايز يعمل خير عشان يرضي ربنا ،
أجمل حاجه انك تعمل الخير عشان ربنا و أوعي تقول أرميه البحر ....
الحاجه اللى بتعملها ربنا مستحيل ينساها وهيجازيك خير عنها
الخير وعمل الخير كان ليهم صور كتير أوي من ساعة البدايه لغاية دلوقتي
وطبعا عمل الخير دخل جمعيات و مجموعات شيء جميل
بس الى فيكم مش قادراو مش عارف يكون مجموعة او حتى يتواصل مع جمعية
تاكدو ان عمل الخير سهل وبسيط قوى مش مرتبط بمكان ولا زمان ولا مبلغ معين
كلنا نقدر نعمل خير ها اقلكم حجات سهلة كلنا ممكن نعملها وممكن لو امكن نضم لينا اخوتنا واصدقائنا واقربنا
أ_كلنا بنعمل جرد لملابسنا كلنا من انهرضا نفكر نعمل جرد صيفى وجرد شتوى لملابسنا طبعا هانطلع لبس كتير قوى مش بنستعملو وفى كتير غرنا محتجينو ومحدش يقول انا معرفش حد محتاج لو بصيت كويس حوليك ها تلاقي ناس كتير محتاجة او حتى اتعب نفسك شوية واسأل عليهم ها تلقيهم مستنينك
ب_طبعا كلنا الحمد لله رب العالمين بنعرف نقراء ونكتب طيب لية ما تنفعش حد بعلمك دة فى اطفال وشباب وكبار نفسهم او حلمهم يعرفو يقراءو ويكتبو زيك عمرك فكرت فى الناس دى ..؟طب ابتدى فكر
ج_الاطعام انك تطعم حد فقير طبعا الاطعام دة فى كل الاذهان مرتبط بشهر رمضان طب يعنى الناس ها تاكل فى رمضان وباقى السنة لاء عمتا ربنا يقدرنا جميعا ونصلح كل مفاهمنا الخاطئة على فكرة مش شرط فى الاطعام انك تكون مشترى الاكل بفلوسك ممكن الاسرة كلها تشترك فى دة تعرف ازى الام اوالاب ها يشترى الطعام والام ها تطبخ الطعام والابنة ها تجهز الطعام فى الاطباق والابن ها يحمل الطاعم الى الشخص او الاسرة ومش شرط انك تعمل وليمة او مأدة طبعا ربنا يقدرك وتعمل
بس الى مش مقتدرين ما تنسوش
قال رسولنا الكريم صلى الله عليه وسلم "تصدقو ولو بشق تمره"
د_طبعا كلنا من محفظات مختلفة وطبعا فى كل محافظة فيها دار ايتام او مؤسسة او ما شبه طبعا احنا خلاص على ابواب الاجازة الصيفية ما فيش ورانا حاجة غير النوم والخروج ... ها تقولولى لا طبعا ورانا طب اية رئيكم تخرجو مرة فى الاسبوع او حتى فى الشهر تزورة دار ايتام الاطفال هناك مش محتاجين حاجة غير انك تبتسم فى وشهم وتعلب معاهم تقدر تعمل كدة خليك فاكر
جعل النبي صلى الله عليه وسلم حركة الشفة صدقة يثاب عليها الإنسان إذ قال: تبسمك في وجه أخيك صدقة
مش عاوزة اطول عليكم ومش عاوزاكم كمان انتم تفكرو وتقترحو اعمل بسيطة وجميلة كلنا نقدر نعملها .
منتظرة ردودكم وافكاركم
قال الله _تعالى_ : "يَسْأَلُونَكَ مَاذَا يُنفِقُونَ قُلْ مَا أَنفَقْتُم مِّنْ خَيْرٍ فَلِلْوَالِدَيْنِ وَالأَقْرَبِينَ وَالْيَتَامَى وَالْمَسَاكِينِ وَابْنِ السَّبِيلِ وَمَا تَفْعَلُواْ مِنْ خَيْرٍ فَإِنَّ اللّهَ بِهِ عَلِيمٌ "(البقرة215) ،
